Бөлім басшысы білім (педагогика және психология, қазақ тілі мен әдебиет мұғалімі, басқа ұлт мектептеріндегі қазақ тілі мен әдебиеті), гуманитарлық (халықаралық қатынастар, тарих, филология, түркітану, лингвистика, әдебиеттану) мамандықтары бойынша жоғары (немесе жоғары оқу орнынан кейiнгi) бiлiмі. Ғылым докторы/ғылым кандидаты ғылыми дәрежесі немесе PhD дәрежесі болуы керек. Ғылыми еңбектердің немесе жаңалық ашуға авторлық куәлiк қағаздарының, сондай-ақ практикада жүзеге асырылған ірі жобалар мен әзірлемелердің болуы, ғылыми және ұйымдастырушылық қызмет бойынша жұмыс өтілі кемінде 5 жыл болуы тиіс. 1. Терминология бөліміне басшылық жасайды және бөлім жұмысын жоспарлайды. Терминология бөлімінің жұмысын сараптап, жетілдіру бойынша кешенді жоба әзірлейді, басшылыққа ұсыныстар енгізеді, бөлімнің тоқсандық, жарты жылдық, жылдық есептерін дайындайды және ұсынады.2. Бөлім қызметкерлерінің арасында міндеттерді бөледі және жұмысын бағалайды. 3. Мемлекеттік терминология комиссиясына қарауға ұсынылатын терминдерге, жеке сөздерге, сөз тіркестеріне және басқа да лингвистикалық сипаттағы жобаларға лингвистикалық сараптама жасап, қорытынды беру жұмыстарын үйлестіреді.4. Мемлекеттік терминология комиссиясының отырысын ұйымдастырады.5. Терминдік жүйелерді (терминқорды) латынграфикалы әліпбиге көшіруге қатысты ғылыми қағидаттар мен тетіктерге сәйкес әзірленген терминологиялық бірліктерді апробациядан өткізу іс-шараларын ұйымдастыруға атсалысады.6. Республикалық терминология комиссиясы тарапынан бекітілетін терминдерді үзбей жариялап тұруды ұйымдастырады.7. Терминология саласындағы латын әліпбиіне қатысты терминологиялық жұмыстардың жоспар бойынша жан-жақты жүргізілуін ұйымдастырады. 8. Семинарлар, конференциялар, дөңгелек үстелдерді ұйымдастыруда басшылық жасайды, ғылыми, ғылыми-көпшілік мақалалар жариялайды. 9. Мемлекеттік тапсырма аясында бөлім жауапты іс-шаралардың жоспарын, тұжырымдамаларын, негіздемелерін, регламентін, сценарийін әзірлеуді ұйымдастырады, жауапты болады.10. Бөлім жауапты іс-шаралардың жоспарын сапалы, уақытында ұйымдастырылуына, қосымша тартылған сарапшылар қызметіне жауапты болады.

г. Астана, район Есиль