Вакансия: Дене шынықтыру нұсқаушысы

Қазақстан Республикасының Білім министрлігіне қарасты «Бобек» ұлттық ғылыми-практикалық, білім беру және сауықтыру орталығы республикалық мемлекеттік кәсіпорны дене шынықтыру нұсқаушысы бос лауазымына конкурс жариялайды.

Конкурсқа қатысу үшін қажетті құжаттар:

• Орталықтың Бас директоры Файзулина Б.В. атына қолмен жазылған өтініш.
• Жеке куәлік.
• Мемлекеттік (қазақ) және орыс тілдеріндегі түйіндеме.
• Біліктік тіркеу парағы, фото суретімен.
• Еркін формада жазылған автобиография.
• Білім туралы құжат және оған қосымша, нотариуспен расталған.
• Жұмыс стажының бар-жоғын растайтын құжаттар, нотариуспен расталған немесе бұрынғы жұмыс орнынан.
• Сыбайлас жемқорлық құқық бұзушылықтары туралы мәліметтердің болмауы немесе болу-жоғы туралы анықтама.
• Денсаулық жағдайы туралы медициналық анықтама (075-у формасы).
• Психоневрологиялық және наркологиялық ұйымнан анықтамалар.

Барлық құжаттарды сканерлеп, 27 қыркүйектен 11 қазан 2024 жылға дейін [email protected] электронды поштасына жіберу қажет.

Қосымша ақпарат:

• Екінші кезеңге (сұхбат) өткендердің тізімі «Бобек» орталығының сайтында жарияланады.
• Сұхбаттың күні кандидаты көрсетілген электронды поштаға жіберіледі.
• Қосымша сұрақтар бойынша 8 (727) 299-71-19 телефонына хабарласа аласыз.

Конкурсқа қатысушыларға қойылатын талаптар:

«Дене шынықтыру» мамандығы бойынша жоғары немесе жоғары оқу орнынан кейінгі педагогикалық білімі болуы қажет. Жұмыс тәжірибесі талап етілмейді.

Конкурсқа қатысушылар өздерінің білімі, кәсіби деңгейі мен біліктілігі туралы қосымша ақпарат бере алады, соның ішінде білікті арттыруға арналған құжаттардың көшірмелері, ғылыми жарияланымдар және бұрынғы басшылықтан алынған ұсыныстар.

Сіздің өтінімдеріңізді күтеміз!